MWANO ŨRĨ GŨTHUKWO
Mũthiĩrwo ũgo no ũrĩa arĩĩrwo
Mwano ũrĩ gũthukwo na mbũgũ ciarwo
Cioiga atĩrĩ:
Gĩthima nĩ kiunjuge, maaĩ matithera
Ona maarika munju ũrĩ o gĩtina-inĩ
Ta mairĩtĩ ndua-inĩ ya mũhihi
Eheriai rũkiriri gĩko gĩtherere.
Twatukanirie rũru na itiarĩ gĩrima
Tũkamenya ciitũ nakĩ ciaciarana?
Tuoigire nĩicoke njora mbaara ti ũcũrũ
Andũ macoke kwao bũrũri ũiguane
Na nĩ kĩĩ andũ marakoma o hemainĩ?
Haha harĩ ũndũ ũrethegea ta mwaki wa kĩrĩti
Watuthũka kĩrĩti nĩ gĩkũhĩa.
Nĩtwarie ũhoro gĩtaũ kĩ ngoro gĩtihootanaga
Mbii mbatũni yoigĩte atĩrĩ:
Tĩri nĩ witũ, ithaka nĩ ciitũ, indo ciothe nĩ ciitũ
Tuoigũkirwo rĩ nĩgetha andũ aitũ makomage hema
Meroragĩrwo nĩ atarii tarĩ nyamũ cia gĩthaka
Thayũ ũtarĩ ũragaacĩra-rĩ twakĩiga mũthĩgi thĩ nĩkĩ?
Kaĩ twahũna ũmũthĩ rũciũ tũtakahũta
Andũ nĩmacoke mĩgũnda, andũ nĩmacokerio ithaka na mĩciĩ yao
Andũ nĩ moime hema-inĩ, andũ nĩmagitĩrwo
Nĩtũtige kũhinga maitho, tondũ onatwahinga
Matarĩ mahĩhe na magathikwo, matitiga kũnunga
Na ithuĩ nĩtugĩĩrĩrie o nginya atongoria marorie maitho na kũu
Tondũ rũciũ rũngĩ mwano wathukwo ma mbũgũ ciarwo
Wahota gũkorwo nĩwe ũgakorwo ũnjugĩte maaĩ
Ũkagera harĩa kaihũ kagerire kambũra rũũwa
Mũtongoria ũyũ, njigua ĩrĩ matũ na ndindĩkwo ĩrĩ magũrũ
Tiga kuona kura ona mũndũ ta mũndũ
Ndinakuorota nĩ kaara keheta.
posted by Charuthi Ng'ang'a Wairia @ 10:33 PM
4 comments
4 Comments:
auuuuuuuuui Charuthi mwenda gukuria ruthiomi rwitu umuthi ni watuhota muno. Umuthi ni rita riakwa ria mbere guka blog yaku na ni yangenia muno na yathekia muno. Naari korwo mami nioi guthoma blog niingiamutumira link ino athome.
Tanjirua atiriri wenda, ukiandika na computer urutaga ku gaturumo kau ga gikuyu. Nii niwona twakwa twothe ni tuturumo twa i yaani ni ta twa githungu kana gitweri.
Ni thoni muno at nii ta mugikuyu ndiraremwo ni guchaba gukuyu naihenya na githungu njabaga marathon. No riu ni ngucoka guuka haha blog ino ni getha thii na mbere guthondeka gikuyu giakwa.
Ni wega muno.
Nĩ ngatho nĩ mawoni maku Shiko. Thiĩ na mbere na gũthoma nĩ maingĩ me thutha. Gĩkeno gĩakwa nĩ kũmenya atĩ nĩkũrĩ na mũthomi ũmwe ũgunĩkaga nĩ mandĩko makwa.
Gũcaba ndemwa cia gĩkũyũ thiĩ komubiuta-inĩ yaku “Microsoft Word”. Ũhihinya kabungo ka “Insert” ucoke ũhihinya ka “Symbol”, nĩgegũgũtwara harĩ ndemwa nyingĩ , thuura cia “Latin Extended-A”, hau ũcarie ndemwa iria ciothe ũkwenda na ũcihe mũcabĩre na kũhũthĩra “shortcut key”. Nguuga nĩwateithĩka, thayũ na Ngai njega..
amukira ngeithi cia kuma mombatha Charuthi.
ii ni ndakena muno Charuthi na ndatheka muno makiria ni tondu wa kiugo komubiuta. ii hihi microsoft word nayo tuguchoka kumita atia.
Reke njerekere hau symbols nyone kana ni nguteithika.
Nî ndakena mûno nî kûmenya Njîra îyo.
Niî hûthagîra Alt 140 he î na Alt 150 he û.
Caruthi Nîndakena nî blog spot îno yaku. Ngai akurathime.
Post a Comment
<< Home