Mũrata wakwa Muthomi Mũgĩ,
Rĩu nĩnjokete kĩhaaroinĩ gĩkĩ na mĩaki nĩgetha tũnyitanĩre ũhoro ũyũ wa gũkũria na gũtũũria rũthiomi ruitũ. Nĩndĩranyitĩtwo nĩ thieya ona gũkua ngoro ngĩĩra ati hihi no kwĩyarĩria ndĩyaragĩria. No ndathoma ũrĩa amwe anyu moigaga na moigĩte thutha wa gũthoma maũndũ marĩa twaranagĩria na inyũi, ndĩrekĩrwo thing’a na ndĩroiga ngũthiĩ ta ngari njerũ. Rĩu gĩthiĩi na mbere na gũthoma na makĩria mũreke menyage atĩ no mũrathoma na hihi mũgateithĩka. Ona akorwo no gũtheka ũthekaga nĩ maũndũ marĩa wathoma, njĩra naniĩ ngenere ho tondũ gĩkeno gĩakwa nĩwe ũkene.
Ningatho gishungwa nĩ ciugo ciaku.
Kunda na ũkundũkie nĩtũthiĩ nĩgũkĩire.
Ngai njega.
posted by Charuthi Ng'ang'a Wairia @ 2:49 AM
1 comments
1 Comments:
Mundu ugwitwo Charuthi,
Wambere ni ngatho niundu wa kwandika burogu ya Gikuyu. Ningenaga muno riria wandikite ni tondu undirikanagia marua maria ndandikanagira na Guka uria nduitwo.
Ona gukorwo Guka ni aari muthomu, ni endete muno kwandika marua na ruthiomi rwa Ugikuyu tondu ni endaga kunduta ati ona ingithoma atia, ndiagiriirwo ni kuriganiruo, kana kwaga kumenya, ruthiomi rwakwa rwa Ugikuyu.
Kwoguo nithekaga na ngaigua ndakena muno riria ukwandika uhoro na rithiomi rwitu.
Thaai.
Post a Comment
<< Home